Category: chivitkonkhmer

(ខេត្តព្រៃវែង)៖ រសៀលថ្ងៃទី១១ ខែមេសា ឆ្នាំ២០២៥ នេះ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងលោកជំទាវ បានអញ្ជើញជាអធិបតីពិធីសំណេះសំណាល និងពិសាអាហារសាមគ្គីជាមួយថ្នាក់ដឹកនាំ សមាជិក សមាជិកា កងកម្លាំងក្រុមការងារសុខាភិបាល និងក្រុមការងារអនាម័យ នៃគណៈកម្មការរៀបចំព្រឹត្តិការណ៍ “សង្ក្រាន្តព្រៃវែង” ២០២៥ នៅបរិវេណសាលាខេត្តព្រៃវែង។

(ភ្នំពេញ​)៖​ យោង​តាម​សេចក្តី​ជូន​ដំណឹង​របស់​រដ្ឋបាល​រាជធានីភ្នំពេញ​បានឱ្យ​ដឹង​ថា​ ដើម្បីចូលរួមរក្សាសុវត្ថិភាពបង្ការការពារគ្រោះអគ្គិភ័យក្នុងរាជធានីភ្នំពេញ នាឱកាសពិធីបុណ្យចូលឆ្នាំថ្មី ប្រពៃណីជាតិ ឆ្នាំម្សាញ់ សប្តស័ក ព.ស.២៥៦៩ ចាប់ពីថ្ងៃទី១៤ ដល់ថ្ងៃទី១៦ ខែមេសា ឆ្នាំ២០២៥ខាងមុខនេះ ខណៈពេលអាកាសធាតុកំពុងតែក្តៅស្ងួតខ្លាំង ដែលងាយនឹងបណ្តាលឱ្យមានគ្រោះអគ្គិភ័យកើតឡើងជាយថាហេតុ ក្នុងរាជធានីភ្នំពេញ រដ្ឋបាលរាជធានីភ្នំពេញ សូមធ្វើការណែនាំដូចខាងក្រោម៖១- ហាមដាច់ខាតចំពោះការបង្ហោះគោម និងការអុជកាំជ្រួចគ្រប់ប្រភេទនៅគ្រប់ទីកន្លែង ក្នុងឱកាស ពិធីបុណ្យចូលឆ្នាំប្រពៃណីជាតិនេះ។ អាជ្ញាធរមានសមត្ថកិច្ចគ្រប់លំដាប់ថ្នាក់ ត្រូវចាត់វិធានការ ឱ្យបានម៉ឺងម៉ាត់បំផុតចំពោះបុគ្គល និងម្ចាស់ទីតាំងណាដែលបង្កការអុជកាំជ្រួច និងបង្ហោះគោម បណ្តាលឱ្យមានអគ្គិភ័យកើតឡើងត្រូវទទួលខុសត្រូវចំពោះមុខច្បាប់ជាធរមាន។២- នៅគ្រប់ទីវត្តអារាម ទីកន្លែងគោរពសក្ការៈបូជា ក្រសួង ស្ថាប័ន មន្ទីរ អង្គភាព ក្រុមហ៊ុន រោងចក្រ សហគ្រាស គ្រប់ផ្សាររដ្ឋ និងផ្សារឯកជន គេហដ្ឋាន និងទីកន្លែងសប្បាយភាពនានា Read more

(ខេត្តស្ទឹងត្រែង)៖ ថ្ងៃទី៨ ខែមេសា ឆ្នាំ២០២៥​ ដើម្បីចូលរួម អបអរសាទរ ពិធីបុណ្យចូលឆ្នាំថ្មី ប្រពៃណី​ជាតិខ្មែរ ឆ្នាំម្សាញ់ សប្តស័កពុទ្ធសករាជ ២៥៦៨ គ្រិស្តសករាជ២០២៥ ដែលនឹងឈាន​ចូលមកដល់នៅពេលខាងមុខ ឧត្តមសេនីយ៍ទោ កង ហ៊ីម មេបញ្ជាការរង តំណាងឲ្យ ឯកឧត្តម ឧត្តម​សេនីយ៍ទោ លី សូរ៉ារិទ្ធ មេបញ្ជាការ​យោធភូមិភាគទី១ បានដឹកនាំ នាយទាហានក្នុងទី​បញ្ជាការ​​​យោធភូមិភាគទី១ ចុះសួរសុខទុក្ខ​យោធិនមានជម្ងឺ សំរាកព្យាបាល​នៅមន្ទីរពេទ្យ​យោធភូមិភាគទី១ និងនាំយកអំណោយ​របស់ឯកឧត្តមមេបញ្ជាការ​យោធភូមិភាគទី១ ទៅចែក​ជូនយុទ្ធជម្ងឺ​យើងចំនួន១៣នាក់ ដែលក្នុងម្នាក់ទទួលបាន ឃីតមួយកញ្ចប់​និងថវិការ​ចំនួន៣ម៉ឺនរៀល ផងដែរ។

នាយឧត្តមសេនីយ៍ ស ថេត និងលោកជំទាវ អញ្ជើញចូលគោរពជូនពរ សម្តេចអគ្គមហាពញាចក្រី ក្នុងឱកាសបុណ្យចូលឆ្នាំថ្មីប្រពៃណីជាតិ (ភ្នំពេញ)៖ នៅក្នុងឱកាសនៃពិធីបុណ្យចូលឆ្នាំថ្មី ប្រពៃណីជាតិ ឆ្នាំម្សាញ់ សប្តស័ក ព.ស.២៥៦៩ ដែលនឹងឈានចូលមកដល់ក្នុងពេលឆាប់ៗខាងមុខ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិនៃព្រះរាជាណាចក្រកម្ពុជា និងលោកជំទាវ បានអញ្ជើញចូលគោរពជូនពរ សម្តេចអគ្គមហាពញាចក្រី ហេង សំរិន និងសម្តេចធម្មវិសុទ្ធវង្សា សៅ ទី នៅភូមិគ្រឹះសម្តេចចំការមន នារសៀលថ្ងៃទី៧ ខែមេសា ឆ្នាំ២០២៥។ ក្នុងឱកាសគោរពជូនពរ ប្រកបដោយក្តីសោមនស្សរីករាយនេះ ឯកឧត្តម នាយឧត្តមសេនីយ៍ ស ថេត បានសម្តែងនូវគារវភក្តីគោរព ជូនចំពោះ សម្តេចអគ្គមហាពញាចក្រី Read more

(ខេត្តកណ្តាល)៖ រសៀលថ្ងៃទី៣១ ខែមីនា ឆ្នាំ២០២៥ គណៈកម្មាធិការពិគ្រោះយោបល់កិច្ចការស្រ្តី និងកុមារខេត្ត បានបើកកិច្ចប្រជុំសាមញ្ញលើកទី៩ ប្រចាំខែមីនា ឆ្នាំ២០២៥ របស់គណៈកម្មាធិការពិគ្រោះយោបល់កិច្ចការស្ត្រី និងកុមារខេត្តកណ្តាល នៅសាលប្រជុំសាលាខេត្តកណ្តាល ក្រោមអធិបតីភាព លោកជំទាវ នួន នារតី សមាជិកក្រុមប្រឹក្សាខេត្តកណ្តាល និងជាប្រធានគ.ក.ស.ក ខេត្ត ដោយមានការចូលរួមពី មន្ទីរអង្គភាពពាក់ព័ន្ធ ព្រមទាំងមន្ត្រីរាជការជាច្រើនរូបផងដែរ។ អង្គប្រជុំបានអនុម័ត លើរបៀបវារៈសំខាន់ៗនៃកិច្ចប្រជុំមានដូចខាងក្រោម៖១. ពិនិត្យ ពិភាក្សា និងអនុម័តកំណត់ហេតុកិច្ចប្រជុំសាមញ្ញប្រចាំខែកុម្ភៈ របស់ គ.ក.ស.ក ខេត្ត (លើក ទី៨) អាណត្តិទី៤ ឆ្នាំ២០២៥២. ពិនិត្យ ពិភាក្សា និង អនុម័តរបាយការណ៍លទ្ធផលការងារ គ.ក.ស.ក ខេត្ត Read more

(ខេត្តឧត្ដរមានជ័យ)៖ ថ្ងៃទី៣១ ខែមីនា ឆ្នាំ២០២៥ ក្រោមការដឹកនាំយ៉ាងម៉ឺងម៉ាត់ របស់ឧត្ដមសេនីយ៍ត្រី នាក់ វង្ស មេបញ្ជាការកងពលតូច​ថ្មើរជើង​លេខ​៤២ យោធភូមិភាគទី៤​ បានដាក់ចេញនូវបទបញ្ជាយ៉ាងតឹងរ៉ឹងទៅគ្រប់បណ្ដាកងឯកភាពវរសេនាតូចចំណុះ ជាពិសេសកម្លាំងដែលឈរជើងនៅតាមខ្សែបន្ទាត់ព្រំដែន ត្រូវបន្តពង្រឹងការសហការអោយបានស្អិតរមួតជាមួយអង្គភាពមិត្ត ក្នុងការចេញល្បាតត្រួតពិនិត្យតាមបណ្តាគោលដៅផ្សេងៗទៀត ដែលបានកំណត់ ដើម្បីតាមដានក្តាប់ជាប់រាល់សភាពការណ៍ប្រែប្រួល តាមខ្សែបន្ទាត់ព្រំដែន និងទប់ស្កាត់អោយបានទាន់ពេលវេលានូវសកម្មភាពបទល្មើសខុសច្បាប់ផ្សេងៗដែលកើតមានឡើង ដើម្បីធានាបាននូវសុខសុវត្តិភាព ស្ថិរភាពជូន ប្រជាពលរដ្ឋ។ លោកមេបញ្ជាការ ក៏បានផ្ដាំផ្ញើរដល់យោធិនដែលកំពុងឈរជើងក្នុងភូមិសាស្ត្រ ត្រូវថែរក្សានូវសុខភាព ការពារពីជម្ងឺផ្សេងៗ ជាពិសេសត្រូវជៀសឱ្យឆ្ងាយពីបញ្ហាគ្រឿងញៀនផងដែរ។

(ខេត្តកំពង់ចាម)៖ នៅព្រឹកថ្ងៃអាទិត្យ ទី៣០ ខែមីនា ឆ្នាំ២០២៥ ឯកឧត្តម វេង សាខុន និងលោកជំទាវ បានអញ្ជើញជាអធិបតីក្នុងពិធីសម្ពោធឆ្លងកុដិថ្មថ្មីដែលមានប្រវែង ១៥មx ១២ម, ព្រះបដិមាកសាងអំពីថ្មកែវ រូបចំលាក់សត្វសីហៈ ចាក់សាប៣០០ ម៉ែត្រការ៉េ, ទូកងថ្មីចំនួន១, ជួសជុលទូកងចំនួន១ រោងទូកង, រួមនិងសមិទ្ធិផលមួយចំនួនទៀត ត្រូវបានកសាង រួចរាល់ជាស្ថាពរ នៅក្នុងបរិវេនវត្តឥន្ធកោសី ហៅវត្តកោះជ្រូក ស្ថិតក្នុងឃុំកោះសំរោង ស្រុកកំពង៉សៀម ខេត្តកំពង់ចាម ដែលបានចំណាយអស់ថវិកាសរុបចំនួន ១២៤ ៥០០ដុល្លារ អាមេរិក។ សមិទ្ធិផលនេះ ទទួលបានការជួយឧបត្ថម្ភកសាងពីឯកឧត្តម វេង សាខុន និងលោកជំទាវ ព្រមទាំងថ្នាក់ដឹកនាំរបស់គណបក្សប្រជាជនកម្ពុជា អជ្ញាធរ គ្រប់លំដាប់ថ្នាក់ និងពុទ្ធបរិស័ទជិតឆ្ងាយ។

(ខេត្តសៀមរាប)៖ នារសៀលថ្ងៃអាទិត្យ ២កើត ខែចេត្រ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៣០ ខែមីនា ឆ្នាំ២០២៥ លោកវរសេនីយ៍ឯក ស៊ិន លី មេបញ្ជាការ​រង​ខេត្ត តំណាង​លោកឧត្តមសេនីយ៍ សៀ ទីន មេបញ្ជាការកងរាជអាវុធហត្តខេត្តសៀមរាប បានដឹកនាំ​ក្រុមការងារខេត្ត នាំយកថវិកា​របស់​លោកឧត្តមសេនីយ៍ត្រី មេបញ្ជាការខេត្ត នាយទាហាន នាយទាហាន​រង និងពលទាហាន នៃកងរាជអាវុធហត្ថ​ខេត្ដសៀមរាប សរុបថវិកាចំនួន ៣,៦២៧,០០០រៀល ដើម្បីចូលរួម​បុណ្យផ្កាប្រាក់រស្មីមហាសាមគ្គី នៅវត្តពុទ្ធស្ថាននគររាជធម្មមេត្តា (ហៅវត្តធម្មមេត្តា) ស្ថិតនៅភូមិកសិកម្ម សង្កាត់ស្រង៉ែ ក្រុងសៀមរាប ខេត្តសៀមរាប៕ SiemReapGRK