(ខេត្តព្រះវិហារ)៖ រដ្ឋបាលខេត្តព្រះវិហារ នៅថ្ងៃទី២០ ខែសីហា ឆ្នាំ២០២៦ បានរៀបចំពិធីអបអរសាទរទិវាអន្តរជាតិប្រយុទ្ធប្រឆាំងគ្រឿងញៀន ២៦ មិថុនា ២០២៦ ក្រោមប្រធានបទ «រួមគ្នាឆ្លើយតបបញ្ហាគ្រឿងញៀន ក្នុងបរិបទថ្មីប្រកបដោយភាពច្នៃប្រឌិត» ព្រមទាំងដុតបំផ្លាញគ្រឿងញៀន និងសារធាតុញៀនគ្រប់ប្រភេទសរុបទម្ងន់ជាង ១ ៣០០គីឡូក្រាម ដែលបង្ក្រាប និងរឹបអូសបានក្នុងភូមិសាស្ត្រខេត្តព្រះវិហារកន្លងមក។ ការដុតបំផ្លាញគ្រឿងញៀននេះ គឺជាសក្ខីភាពបង្ហាញពីការប្តេជ្ញាចិត្ត និងការខិតខំប្រឹងប្រែងរបស់កងកម្លាំងមានសមត្ថកិច្ច និងអាជ្ញាធរ ក្នុងការបង្ក្រាបបទល្មើសគ្រឿងញៀន ព្រមទាំងបង្ហាញពីការមិនអត់ឱនចំពោះការជួញដូរ ចែកចាយ និងប្រើប្រាស់គ្រឿងញៀនគ្រប់រូបភាព៕

(បន្ទាយមានជ័យ)៖ អ្នកនាំពាក្យក្រសួងការពារជាតិ បានឱ្យដឹងថា នៅថ្ងៃទី២០ ខែសីហា ឆ្នាំ២០២៦ ក្រុមអ្នកសម្របសម្រួល (CLG) កម្ពុជា បានសម្របសម្រួលជូនក្រុមអ្នកសង្កេតការណ៍អាស៊ាន ប្រចាំកម្ពុជា (ASEAN Observer Team–Cambodia: AOT-KH) ដឹកនាំដោយប្រធានបេសកកម្មក្រុមអ្នកសង្កេតការណ៍អាស៊ាន (AOT KH HOM) ពីសាធារណរដ្ឋហ្វីលីពីន ចុះសង្កេតការណ៍ផ្ទៀងផ្ទាត់ និងរាយការណ៍អំពីស្ថានភាពតាមបណ្តោយព្រំដែនកម្ពុជា-ថៃ នៅចំណុចច្រកទ្វារព្រំដែនអនុ្តរជាតិស្ទឹងបត់ ស្ថិតក្នុងភូមិស្ទឹងបត់ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ក្រោយបទឈប់បាញ់ចូលជាធរមាន។ ចុះពិនិត្យនេះធ្វើឡើងក្នុងការធានាការអនុវត្តបទឈប់បាញ់រវាងកម្ពុជា និងថៃ ដើម្បីលើកកម្ពស់តម្លាភាព ការជឿទុកចិត្តគ្នា និងការពារអាយុជីវិតប្រជាពលរដ្ឋ និងឆ្ពោះទៅការធ្វើឱ្យប្រសើរឡើងវិញឆាប់រហ័ស និងការវិលត្រឡប់ទៅរកប្រក្រតីភាព សន្តិភាព និងស្ថិរភាពយូរអង្វែង។ រាជរដ្ឋាភិបាល និងក្រសួងការពារជាតិកម្ពុជានៅតែបញ្ជាក់ពីការប្តេជ្ញាចិត្តយ៉ាងម៉ឺងម៉ាត់ ស្មោះត្រង់ Read more

(ភ្នំពេញ)៖ នៅរសៀលថ្ងៃទី១៨ ខែសីហា ឆ្នាំ២០២៦ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានអញ្ជើញចុះពិនិត្យវឌ្ឍនភាព និងការត្រៀមលក្ខណៈរៀបចំទីតាំងសម្រាប់អ្នកសារព័ត៌មានជាតិ និងអន្តរជាតិ ក្នុងព្រឹត្តិការណ៍ «សន្និសីទប្រធានសភានៃអន្តរសភា (ISC) លើកទី២» នៅអូស៊ីអាយស៊ី ជ្រោយចង្វារ រាជធានីភ្នំពេញ។ សន្និសីទនេះ នឹងប្រព្រឹត្តទៅនៅរាជធានីភ្នំពេញ ចាប់ពីថ្ងៃទី២៦ ដល់ថ្ងៃទី២៨ ខែសីហា ឆ្នាំ២០២៦ ដោយក្រសួងព័ត៌មានបានត្រៀមលក្ខណៈ និងមធ្យោបាយចាំបាច់នានា ដើម្បីធានាដល់ការផ្សព្វផ្សាយព័ត៌មានប្រកបដោយប្រសិទ្ធភាព និងវិជ្ជាជីវៈ៕

(ខេត្តកំពង់ស្ពឺ)៖ ថ្ងៃចន្ទ ទី១៧ ខែសីហា ឆ្នាំ២០២៦​ ជនសង្ស័យ​២នាក់ជាមុខ​សញ្ញាចោរប្លន់និងទេីបចេញពីពន្ធ​នាគារ​ ត្រូ​វបានកំលាំងនគរបា​លកា​រិយាល័យព្រហ្មទណ្ឌខេត្ដ​និង​នគរបា​លស្រុកគងពិសី​ សង្ស័យដេ​ញ​ឃាត់​បានដោ​យបានការសហការពីកំលាំងនគរបាលអធិការដ្ឋានស្រុ​កសំរោង​ទ​ង​ នៅ​ចំណុចភូមិត្រពាំងត្រស់ ឃុំសំ​រោ​ងទង ខេត្ដកំពង់ស្ពឺ​។ ដោយបានការបញ្ជាដឹកនាំដ៏ខ្ពង់ខ្ពស់​ពីលោកឧត្ដមសេ​នី​យ៍ទោ​ ឃឹម​ សុកខៃ​ ស្នងការនគរបាលខេត្ដកំព​ង់ស្ពឺ​ និងបានការណែនាំពីលោកឧ​ត្ដមសេនីយ៍ត្រី​ សម​ សាក់​ ស្ន​ងការរង​ ផែនការងារព្រហ្មទណ្ឌ​ និងការដឹកនាំផ្ទា​ល់ពី​លោកឧត្ដមសេនីយ៍ត្រី​ រស់​ រដ្ឋា​ ស្នងការរង​ ជំនួយការ​ដឹកនាំការិយាល័យ​ព្រហ្មទណ្ឌក​ម្រិតស្រាល​ បានឃាត់ជនសង្ស័​យ២​នាក់​៖(១)-ឈ្មោះ​ រិទ្ធ​ រាជ​ ហៅអា​ម៉ៅ ភេ​ទ​ប្រុស​ អាយុ​ ៥៣​ឆ្នាំ​ មុខ​រ​បរ​ មិនពិតប្រាកដ​ ស្នាក់នៅបន្ទប់ជួលម្តុំទួលគោក រាជធានីភ្នំពេញ -ធ្លាប់ជាប់​ពន្ធនា​គារខេត្តកណ្តាល ករណីលួចម៉ូតូ(ឆ្នាំ២០២៥)​។(២)​-​ឈ្មោះ​ រស់​ ចាន់រ៉ន​ Read more

នៅព្រឹកថ្ងៃព្រហស្បតិ៍ ១៥រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៣ ខែសីហា ឆ្នាំ២០២៦

(ភ្នំពេញ)៖ ឯកឧត្តមអភិសន្ដិបណ្ឌិត ស សុខា ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានអញ្ជើញជាអធិបតីដឹកនាំកិច្ចប្រជុំត្រួតពិនិត្យវឌ្ឍនភាពការងាររៀបចំមជ្ឈមណ្ឌលបញ្ជាការសមហរណកម្មក្រសួងមហាផ្ទៃ និងដាក់ទិសដៅពន្លឿនការរៀបចំឱ្យកាន់តែមានប្រសិទ្ធភាពឆ្លើយតបបានតាមសំណូមពររាល់កិច្ចការចំពោះមុខ សំដៅបម្រើសេវាសន្តិសុខជូនប្រជាពលរដ្ឋ នារសៀលថ្ងៃទី១២ ខែសីហា ឆ្នាំ២០២៦ នៅសាលប្រជុំ វរជ័យ នៃទីស្តីការក្រសួងមហាផ្ទៃ៕

នារសៀលថ្ងៃចន្ទ ១២រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១០ ខែសីហា ឆ្នាំ២០២៦

(ភ្នំពេញ)៖ នារសៀលថ្ងៃអាទិត្យ ១១រោច ខែទុតិយាសាឍ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី៩ ខែសីហា ឆ្នាំ២០២៦ វេលាម៉ោង១៥:០០ នាទីរសៀល លោក ជា ខេមា អភិបាល នៃគណៈអភិបាលខណ្ឌដូនពេញ បានអញ្ជើញចុះពិនិត្យការងារសន្តិសុខ សណ្តាប់ធ្នាប់ របៀបរៀបរយសាធារណៈ អនាម័យ បរិស្ថាន នៅតាមបរិវេណមណ្ឌលប្រឡងសញ្ញាបត្រទុតិយភូមិដែលនឹងប្រព្រឹត្តិទៅនាថ្ងៃទី១០-១១ ខែសីហា ឆ្នាំ២០២៦។សូមជម្រាបជូនថានៅក្នុងខណ្ឌដូនពេញមានមណ្ឌលប្រឡងចំនួន៧ ស្មើនឹង២១៧បន្ទប់ បេក្ខជនប្រឡងសរុបចំនួន៥,៣៤៨នាក់ ស្រីចំនួន២,៩៥៧នាក់មណ្ឌលប្រឡងទាំង៧រួមមាន៖1/ មណ្ឌលវិទ្យាល័យព្រះស៊ីសុវត្តិ2/ មណ្ឌលវិទ្យាល័យវត្តកោះ3/ មណ្ឌលវិទ្យាល័យហ៊ុនសែនប៊ុនរ៉ានីវត្តភ្នំ4/ មណ្ឌលអនុវិទ្យាល័យចតុមុខ5/ មណ្ឌលសាលាបឋមចតុមុខ6/ មណ្ឌលសាលាបឋមព្រះនរោត្តម7/ មណ្ឌលសាលាបឋមកូលាបទី១ ។

(ភ្នំពេញ)៖ ចាប់ពីពាក់កណ្ដាលខែកក្កដា រហូតដល់ថ្ងៃទី០៧ ខែសីហា ឆ្នាំ២០២៦នេះ កម្លាំងអាវុធហត្ថរាជធានីភ្នំពេញ ក្នុងមូលដ្ឋានខណ្ឌ៧មករា ខណ្ឌជ្រោយចង្វារ ខណ្ឌទួលគោក បានធ្វើការឃាត់ម្ចាស់ រួមទាំង រថយន្ត ០១គ្រឿងម៉ាក BMW M4 ពណ៌ខ្មៅ ផលិតឆ្នាំ២០១៥ ពុំមានពាក់ផ្លាកលេខ និងម៉ូតូ ០៨គ្រឿង ជាបន្តបន្ទាប់ ដែលបានកែច្នៃបំពង់ស៊ីម៊ាំងខុសលក្ខណៈបច្ចេកទេស បើកបរល្បឿនលឿនក្នុងទីប្រជុំជនល្មើសច្បាប់កំណត់ បង្កឲ្យមានការភ័យខ្លាច និងមានសម្លេងរំខានដល់ប្រជាពលរដ្ឋ បាត់បង់សណ្ដាប់ធ្នាប់សាធារណ:លើដងផ្លូវ នៅតាមទីតាំងនានាក្នុងភូមិសាស្ត្ររាជធានីភ្នំពេញ។ បន្ទាប់ពីបានព្រមាន និងអប់រំណែនាំរួច កម្លាំងអាវុធហត្ថរាជធានីភ្នំពេញ តាមបណ្តាខណ្ឌ បានឱ្យម្ចាស់រថយន្ត និងម៉ូតូ ធ្វើកិច្ចសន្យាបញ្ឈប់ការកែច្នៃបំពង់ស៊ីម៉ាំងម៉ូតូខុសលក្ខណៈបច្ចេកទេស បង្កការរំខានដល់សាធារណ:ជនតទៅទៀត ចំណែកម៉ូតូ និងរថយន្តបានដកហូតរក្សាទុកជាបណ្តោះអាសន្ននៅមូលដ្ឋានអាវុធហត្ថខណ្ឌ និងបញ្ជាការដ្ឋានកងរាជអាវុធហត្ថរាជធានីភ្នំពេញ៕