Category: chivitkonkhmer

ជាក់ស្ដែងនៅព្រឹកថ្ងៃទី៦ ខែឧសភា ឆ្នាំ២០២៥នេះ លោកវរសេនីយ៍ឯកអ៊ូ ឆេងកន មេបញ្ជាការរងនៃបញ្ជាការដ្ឋានតំបន់ប្រតិបត្តិការសឹករងកំពង់ធំ និងជាប្រធានទីបញ្ជាការស្រាលបង្ក្រាបបទល្មើសនេសាទខុសច្បាប់ របស់បញ្ជាការដ្ឋានតំបន់ប្រតិបត្តិការសឹករងកំពង់ធំ ប្រចាំការនៅឃុំផាត់សណ្ដាយ ស្រុកកំពង់ស្វាយ និងឃុំពាមបាង ស្រុកស្ទោង បានដឹកនាំកងកម្លាំងចមុះ​ ធ្វើសកម្មភាពបង្ក្រាបបទល្មើសជាក់ស្ដែងនៅតំបន់ ចាប់ពីជ្រោយវែងចំណុច ដល់ចុងព្រែកតាសោម​ ក្នង​ភូមិ​សាស្ត្រ​បឹង​ទន្លេសាប​ឃុំ​ផាត់​សណ្តាយ​ បានបង្ក្រាប​ឧបករណ៍​បទល្មើស​នេសាទ​ខុស​ច្បាប់​ ដោយ​បាន​បំផ្លាញចោលអូនក្រញឹក​ ខុសទំហ៊ុដែលច្បាប់បានកំណត់ចំនួនមួយរបាំង មានប្រវែង២៥០​ ម៉ែត្រ​ ឡុកចំនួន ២ឡុក​ លបចំនួន២​ មា​ត់​ រុះរើ លបលូខុសទំហំក្រឡាកំណត់បាន ចំនួន​ ៦មាត់​ បំផ្លាញ​អួនស្បៃមុងដែលច្បាប់បានហាមឃាត់ដាចខាតបាន ចំនួន​ ៣​ របាំង មាន​ប្រវែង ៣០០ ម៉ែត្រ​ និង​ឧបករណ៍​ល្មើស​នេសាទ​ខុស​ច្បាប់​មួយ​ចំនួន​ទៀត​។ ឧត្តមសេនីយ៍ទោ សោម Read more

ក្រសួងព័ត៌មាន ថ្ងៃទី៥ ខែឧសភា ឆ្នាំ២០២៥

(ខេត្តឧត្ដរមានជ័យ)៖ ថ្ងៃទី៥ ខែឧសភា ឆ្នាំ២០២៥ ក្រោមការដឹកនាំយ៉ាងម៉ឺងម៉ាត់ របស់ឧត្ដមសេនីយ៍ត្រី នាក់ វង្ស មេបញ្ជាការកងពលតូច​ថ្មើរជើង​លេខ​៤២ យោធភូមិភាគទី៤​ បានដាក់ចេញនូវបទបញ្ជាដល់គ្រប់បណ្ដាកងឯកភាពវរសេនាតូចចំណុះ ជាពិសេសកម្លាំងដែលឈរជើងនៅតាមខ្សែបន្ទាត់ព្រំដែន ត្រូវបន្តពង្រឹងការសហការអោយបានស្អិតរមួតជាមួយអង្គភាពមិត្តនគបាលការពារព្រុំដែនគោកលេខ៧០២ក្នុងការចេញល្បាត ត្រួតពិនិត្យតាមបណ្តាគោលដៅផ្សេងៗទៀត ដែលបានកំណត់ ដើម្បីតាមដានក្តាប់ជាប់រាល់សភាពការណ៍ប្រែប្រួល តាមខ្សែបន្ទាត់ព្រំដែន និងទប់ស្កាត់អោយបានទាន់ពេលវេលានូវសកម្មភាពបទល្មើសខុសច្បាប់ផ្សេងៗដែលកើតមានឡើង ដើម្បីធានាបាននូវសុខសុវត្តិភាព ស្ថិរភាព ជូនប្រជាពលរដ្ឋ។ លោកមេបញ្ជាការ ក៏បានផ្ដាំផ្ញើរដល់យោធិនដែលកំពុងឈរជើងក្នុងភូមិសាស្ត្រ ត្រូវថែរក្សានូវសុខភាព ការពារពីជម្ងឺផ្សេងៗ ជាពិសេសត្រូវជៀសឱ្យឆ្ងាយពីបញ្ហាគ្រឿងញៀនផងដែរ។

(ខេត្តកំពង់ចាម)៖ នៅល្ងាចថ្ងៃអាទិត្យ ៨កើត ខែពិសាខ ឆ្នាំម្សាញ់ សប្តស័ក ពុទ្ធសករាជ២៥៦៨ ត្រូវនឹងថ្ងៃទី៤ ខែឧសភា ឆ្នាំ២០២៥នេះ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា បុត្រា បុត្រី ចៅប្រុស ចៅស្រី បងប្អូន ក្មួយៗ អញ្ជើញចូលរួមក្នុងពិធីបុណ្យទក្ខិណានុប្បទានខួបគម្រប់៣ឆ្នាំ ដើម្បីឧទ្ទិសមហាកុសលដួងិវិញ្ញាណក្ខន្ធ សម្ដេចឧត្តមទេពញាណ ហ៊ុន ណេង ដែលពិធីបុណ្យនេះប្រារពឡើង នៅភូមិអណ្ដូងច្រះ ឃុំអំពិល ស្រុកកំពង់សៀម ខេត្តកំពងចាម៕

(ខេត្តកំពង់ស្ពឺ)៖ ដោយមានការយកចិត្តទុកដាក់ពីសំណាក់ ឯកឧត្តម នាយឧត្តមសេនីយ៍ ម៉ៅ សុផាន់ អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើង ទាំងស្មារតីនិងសម្ភារៈបានធ្វើឲ្យកងពលតូចដឹកជញ្ជូនលេខ៩០ មានការអភិវឌ្ឍជាបន្តបន្ទាប់ ជាក់ស្ដែងនៅព្រឹកថ្ងៃទី១ ខែឧសភា ឆ្នាំ២០២៥ ឯកឧត្តម ឧត្តមសេនីយ៍ទោ ឈរ សុខ នាយសេនាធិការរងកងទ័ពជើងគោក មេបញ្ជាការកងពលតូចដឹកជញ្ជូនលេខ៩០ អញ្ជើញចុះត្រួតពិនិត្យកងកម្លាំងរបស់កងពលដែលកំពុងអនុវត្តន៍យ៉ាងសកម្មនៅការស្ថាបនាផ្លូវបេតុងមួយខ្សែនៅ ទីបញ្ជាការកងពលដែលមានប្រវែង ១៧៥ម៉ែត្រx៤,៥ម៉ែត្រx០,១៥ម៉ែត្រ ត្រូវបានសម្រេចមួយរយភាគរយ នៅថ្ងៃទី១ ខែឧសភានេះ។ នៅក្នុងឱកាសអញ្ជើញចុះត្រួតពិនិត្យការងារនេះ ឧត្តមសេនីយ៍ទោ មេបញ្ជាការកងពលមានការកោតសរសើរយ៉ាងខ្លាំងដល់នាយទាហាន នាយទាហានរង និងពលទាហានបានយកចិត្តទុកដាក់អស់ពីកម្លាំងកាយចិត្តនូវការកសាងផ្លូវបេតុងមួយខ្សែ។ ឯកឧត្តម មេបញ្ជាការកងពលបានមានប្រសាសន៍ទៅកាន់កងកម្លាំងទាំងអស់ដែលកំពុងអនុវត្តន៍ការងារថា÷ កងកម្លាំងនៃកងយោធពលខេមរភូមិន្ទក្រៅពីការងារស្នូលត្រូវរួមគ្នាកសាងអង្គភាពដើម្បីផលប្រយោជន៍រួម(កងទ័ពគ្មានគ្រឿងញៀន)។

(ខេត្តព្រះវិហារ)៖ នៅថ្ងៃទី៣០ ខែមេសា ឆ្នាំ២០២៥ ក្រោមការដឹកនាំនិងអនុវត្តន៍យ៉ាងម៉ឺងម៉ាត់ របស់ឯកឧត្តមឧត្ដមសេនីយ៍ទោ ដួង សំនៀង មេបញ្ជាការកងពលតូច​អន្តរាគមន៍លេខ៧ បានដាក់ចេញនូវបទបញ្ជា គ្រប់បណ្ដាកងឯកភាពវរសេនាតូច ចំណុះទាំងអស់ ជាពិសេសកម្លាំងវរ:សេនាតូច៣៧១ ដែលឈរជើងនៅតាមខ្សែបន្ទាត់ព្រំដែនជួមុខ កម្ពុជា.ថៃ ត្រូវបន្តពង្រឹងការសហការអោយបានស្អិតរមួតជាមួយអង្គភាពមិត្តក្នុងការចេញល្បាត ត្រួតពិនិត្យតាមបណ្តាគោលដៅផ្សេងៗទៀត ដែលបានកំណត់ ដើម្បីតាមដានក្តាប់ជាប់រាល់សភាពការណ៍ប្រែប្រួល តាមខ្សែបន្ទាត់ព្រំដែន និងទប់ស្កាត់អោយបានទាន់ពេលវេលានូវសកម្មភាពបទល្មើសខុសច្បាប់ផ្សេងៗដែលកើតមានឡើង ដើម្បីធានាបាននូវសុខសុវត្តិភាព ស្ថិរភាពជូន ប្រជាពលរដ្ឋ។

(ភ្នំពេញ)៖ ក្រសួងព័ត៌មាន រសៀលថ្ងៃទី៣០ ខែមេសា ឆ្នាំ២០២៥ បានរៀបចំសន្និសីទសារព័ត៌មាន ដើម្បីផ្សព្វផ្សាយរបាយការណ៍ស្តីពី «ស្ថានភាពសេរីភាពសារព័ត៌មាននៅកម្ពុជាឆ្នាំ២០២៥» នៅសាលសវនាការវាំងឈើ នៃទីស្តីការក្រសួងព័ត៌មាន ក្រោមអធិបតីភាព ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន។ នៅក្នុងសន្និសីទសារព័ត៌មាននេះ អ្នកសារព័ត៌មានទទួលបានព័ត៌មាន និងបានស្វែងយល់កាន់តែស៊ីជម្រៅ អំពីដំណើរការរៀបចំរបាយការណ៍ និងលទ្ធផលនៃការស្ទង់មតិអ្នកសារព័ត៌មានទូទាំងប្រទេសស្តីពីស្ថានភាព សេរីភាពសារព័ត៌មាននៅកម្ពុជាឆ្នាំ២០២៥៕

(ភ្នំពេញ)៖ នាព្រឹកថ្ងៃអង្គារ ៣កើត ខែពិសាខ ឆ្នាំម្សាញ់ សប្តស័ក ព.ស.២៥៦៨ ត្រូវនឹងថ្ងៃទី២៩ ខែមេសា ឆ្នាំ២០២៥ វេលាម៉ោង ០៨:៣០នាទី រដ្ឋបាលខណ្ឌ៧មករា បានបេីកកិច្ចប្រជុំសាមញ្ញលើកទី១១ របស់ក្រុមប្រឹក្សាខណ្ឌ៧មករា អាណត្តិទី៤ ក្រោមអធិបតីភាពលោក សោម សុវណ្ណ ប្រធានក្រុមប្រឹក្សាខណ្ឌ៧មករា និងលោក ថេង សុថុល អភិបាល នៃគណៈអភិបាលខណ្ឌ៧មករា៕

(ខេត្តឧត្ដរមានជ័យ)៖ ថ្ងៃទី២៥ ខែមេសា ឆ្នាំ២០២៥ ដើម្បីធានាបាននូវសុខសុវត្តិភាពជូនប្រជាពលរដ្ឋក្នុងមូលដ្ឋាន ជាពិសេសប្រជាពលរដ្ឋដែលរស់នៅតាមខ្សែបន្ទាត់ព្រំដែន លោកឧត្ដមសេនីយ៍ទោ តន់ ញាន មេបញ្ជាការតំបន់ប្រតិបត្តិការសឹករងឧត្ដរមានជ័យ បានបន្តជម្រុញ ទៅគ្រប់បណ្ដាកងឯកភាពចំណុះត្រូវពង្រឹងដល់កម្លាំងប្រចាំការទាំងអស់ចូលរួមសហការគ្នាអោយបានស្អិតរមួតល្អថែមទៀតជាមួយកងកម្លាំងដែលពាក់ព័ន្ធក្នុងការចេញប្រតិបត្តិត្រួតពិនិត្យបង្គោលសីមា និងបណ្ដាចំណុចគោលដៅផ្សេងៗទៀត ដែលបានកំណត់ទុក ដើម្បីតាមដានក្តាប់ឱ្យជាប់រាល់សភាពការណ៍ប្រែប្រួល តាមខ្សែបន្ទាត់ព្រំដែន ពិសេសត្រូវថែរក្សាបង្កើនប្រព័ន្ធលេណដ្ឋានអោយបានរឹងមាំ និងត្រូវការពារទប់ស្កាត់រាល់សកម្មភាពបទល្មើសខុសច្បាប់ផ្សេងៗដែលអាចកើតមានឡើង ព្រមទាំងត្រៀមកម្លាំងអន្តរាគមន៍តាមបទបញ្ជារបស់ថ្នាក់លើ២៤ម៉ោង លើ២៤ម៉ោង។