Category: chivitkonkhmer

(ភ្នំពេញ)៖ នៅព្រឹកថ្ងៃសុក្រ ១៥រោច ខែផល្គុន ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៨ ខែមីនា ឆ្នាំ២០២៥ វេលាម៉ោង ០៨:៣០នាទី នៅរដ្ឋបាលខណ្ឌដូនពេញ បានបេីកកិច្ចប្រជុំសាមញ្ញលើកទី១០ របស់ក្រុមប្រឹក្សាខណ្ឌដូនពេញ អាណត្តិទី៤ ក្រោមអធិបតីភាព លោក ហែម អាន ប្រធានក្រុមប្រឹក្សាខណ្ឌដូនពេញ និងលោក ជា ខេមា អភិបាល នៃគណៈអភិបាលខណ្ឌដូនពេញ។ កិច្ចប្រជុំនេះមានការអញ្ជើញចូលរួមពី លោក-លោកស្រី សមាជិកក្រុមប្រឹក្សាខណ្ឌ,គណៈអភិបាលរងខណ្ឌ,គណៈនាយករដ្ឋបាលខណ្ឌ, លោក អធិការរងនគរបាលខណ្ឌ, លោក មេបញ្ជាការរងកងរាជអាវុធហត្ថខណ្ឌ, លោកប្រធានការិយាល័យទាំង១១, លោក-លោកស្រី ចៅសង្កាត់ទាំង១១, លោក-លោកស្រីប្រធានទីរួមផ្សារទាំង៣, និងលោកតំណាងក្រុមហ៊ុនមីហ្សុដាប្រចាំខណ្ឌដូនពេញផងដែរ។ក្នុងរបៀបវារៈរួមមាន៖១-ពិនិត្យ និងអនុម័តសេចក្តីព្រាងកំណត់ហេតុកិច្ចប្រជុំសាមញ្ញលើកទី៩ របស់ក្រុមប្រឹក្សាខណ្ឌដូនពេញ Read more

(ភ្នំពេញ)៖ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរជិតឈានមកដល់ មន្ត្រីការិយាល័យសេនានុព័ន្ធថៃប្រចាំនៅកម្ពុជា ដឹកនាំដោយលោក វរសេនីយ៍ឯក កនវរានន្ទ ក្លាន់ព្រំសុវណ្ណ បានចូលជួបសម្តែងការគួរសម និងគោរពជូនពរ ឯកឧត្តម នាយឧត្តមសេនីយ៍ វង្ស ពិសេន អគ្គមេបញ្ជាការ នៃកងយោធពលខេមរភូមិន្ទ នាព្រឹកថ្ងៃទី២៧ ខែមីនា ឆ្នាំ២០២៥ នៅអគ្គបញ្ជាការដ្ឋាន។ លោក វរសេនីយ៍ឯក កនវរានន្ទ ក្លាន់ព្រំសុវណ្ណ ក្នុងនាមកងទ័ពភូមិន្ទថៃ បានគោរពជូនពរ ឯកឧត្តម នាយឧត្តមសេនីយ៍ វង្ស ពិសេន អគ្គមេបញ្ជាការ ព្រមទាំងសហការី និងក្រុមគ្រួសារ សូមជួបតែសេចក្តីសុខចម្រើន សុភមង្គល វិបុលសុខគ្រប់ប្រការ និងសម្រេចជោគជ័យគ្រប់ភារកិច្ចនៅក្នុងឆ្នាំថ្មី ឆ្នាំ២០២៥។ ឯកឧត្តម នាយឧត្តមសេនីយ៍ វង្ស Read more

(ខេត្តសៀមរាប)៖ នាព្រឹក​ថ្ងៃទី២៧ ខែមីនា ឆ្នាំ២០២៥ កងរាជអាវុធហត្ថខេត្ត​សៀមរាប បានទទួល​បណ្ដឹង​ផ្ទាល់មាត់ពីប្រជាពលរដ្ឋតាមរយៈលេខទូរស័ព្ទ​បន្ទាន់ (Hotline) 1296 ដើម្បីសុំកិច្ចអន្តរាគមន៍កងរាជអាវុធហត្ថខេត្តសៀមរាប មានករណីភ្លើងឆេះព្រៃ នៅចំណុចដីឡូតិ៍មួយកន្លែង ស្ថិតក្នុង​ភូមិធ្លកអណ្ដូង សង្កាត់ស្លក្រាម​ ក្រុងសៀមរាប ខេត្តសៀមរាប។ បន្ទាប់ពី​ទទួលបានព័ត៌មាននេះភ្លាម កម្លាំង​ជំនាញកងរាជអាវុធហត្ថ​ខេត្តសៀមរាប និងកម្លាំង​មូលដ្ឋាន​កងរាជអាវុធហត្ថ​ក្រុងសៀមរាប បានចេញ​រថយន្ត​ពន្លត់​អគ្គីភ័យ ចុះជួយអន្តរាគមន៍ពន្លត់ភ្លើងឆេះព្រៃនោះបានទាន់ពេលវេលា មិនបណ្តាលឲ្យរាលដាលដល់ផ្ទះប្រជាពលរដ្ឋឡើយ៕ SiemReapGRK

(ភ្នំពេញ)៖ នៅបញ្ជាការដ្ឋានកងរាជអាវុធហត្ថលើផ្ទៃប្រទេស នាព្រឹកថ្ងៃព្រហស្បតិ៍ ទី២៧ ខែមីនា ឆ្នាំ២០២៥ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស បានអញ្ជើញជាអធិបតីភាពក្នុងពិធីប្រកាសមុខតំណែងនាយទាហាន នៃកងរាជអាវុធហត្ថ ដោយមានការអញ្ជើញចូលរួមពីលោកមេបញ្ជាការរង នាយសេនាធិការរង ស្នងការ នាយការិយាល័យ នាយកវិទ្យាស្ថានកងរាជអាវុធហត្ថកំបូល នាយកមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំសែនរីករាយ មេបញ្ជាការកងឯកភាពចំណុះបញ្ជាការដ្ឋានកងរាជអាវុធហត្ថលើផ្ទៃប្រទេសជាច្រើនរូបផងដែរ។

(ខេត្តកណ្តាល)៖ សកម្មភាពក្រុមការងារកំពុងរៀបចំការតុបតែងលម្អរៀបចំព្រឹត្តិការណ៍សង្ក្រាន្តខេត្តកណ្តាល សម្រាប់បុណ្យចូលឆ្នាំថ្មី​ ប្រពៃណីជាតិខាងមុខ​ រដ្ឋបាលខេត្ត​បាននឹងរៀបចំសង្ក្រានខេត្តកណ្តាល តាមផែនការគ្រោងទុកឆ្នាំនេះ រដ្ឋបាលខេត្តកណ្តាល និងរៀបចំព្រឹត្តិការណ៍ សង្ក្រាន្តខេត្តកណ្តាល ដែលប្រារព្ធធ្វើឡើង នៅសួនច្បារមាត់ទន្លេបាសាក់ ក្រុងតាខ្មៅ មានរយៈពេល ៣ថ្ងៃ គឺចាប់ពីថ្ងៃទី១៤-១៥-១៦ ខែមេសា ឆ្នាំ២០២៥ ខាងមុខ។ ជាមួយនឹងការរៀបចំព្រឹត្តិការណ៍​សង្ក្រាន​ខេត្តកណ្តាល ក្រុមការងារបាននឹងកំពុងរៀបចំ​តុបតែង​កន្លែងកម្សាន្តជាច្រេីនក្នុងក្រុងតាខ្មៅ​ ដេីម្បីត្រៀមទទួលភ្ញៀវទេសចរជាតិ​ អន្តរជាតិមកទស្សនាកម្សាន្ត៕

(កោះកុង)៖ ថ្ងៃទី២៦ ខែមីនា ឆ្នាំ២០២៥ លោកឧត្តមសេនីយ៍ត្រី ជួន សុភ័ក្រ មេបញ្ជាការ តំបន់ប្រតិបត្តិការសឹករងកោះកុងនិងសហការីជំនាញ បានអញ្ជើញចុះពិនិត្យបង្គោលព្រំដែន ច្រកគិរីវង្ស នៃភូមិសាស្រ្តវរសេនាតូចលេខ៣៣៧ និងសំណេះសំណាលជាមួយយោធិន ព្រមទាំងចុះត្រួតពិនិត្យទីតាំង ភូមិសាស្រ្តតាមបណ្តាចំណុច ដែលកំពុងឈរជើងការពារតាមខ្សែបន្ទាត់ព្រំដែន កម្ពុជា ថៃ នៃអង្គភាពផ្នែកសឹករងមណ្ឌលសីមា។ ឆ្លៀតយកឳកាសនោះដែរលោកមេបញ្ជាការបានផ្សព្វផ្សាយសភាពការណ៍ថ្មីៗមួយចំនួន និងដាក់ចេញនូវបទបញ្ជាការដល់កម្លាំងគ្រប់រូបត្រូវខិតខំហ្វឹកហ្វឺនពង្រឹងសមត្ថភាព កសាងជំរកស្នាក់នៅ បង្កបង្កើនផល កសាងប្រព័ន្ធការពារខ្លួន ដើម្បីពង្រឹងប្រៀបការពារជាតិ អនុវត្តអោយបានម៉ឺងម៉ាត់ តាមបទបញ្ជារបស់ថ្នាក់លើ ហើយត្រូវប្តេជ្ញាខ្ពស់ការពារបូរណភាពដែនដី ការពារជាតិ សាសនា ព្រះមហាក្សត្រ និងការពាររាជរដ្ឋាភិបាលស្របច្បាប់។

(បន្ទាយមានជ័យ)៖​ គណៈបញ្ជាការដឹកនាំស្រាវជ្រាវ ស៊ើបអង្កេត និងបង្រ្កាបបទល្មើសគ្រប់ប្រភេទ នៃក្រសួងមហាផ្ទៃ សូមជម្រាបជូនដល់សាធារណជនជាតិ និងអន្តរជាតិជ្រាបថា នៅថ្ងៃទី២២ ខែមីនា ឆ្នាំ២០២៥ សមត្ថកិច្ចនៃស្នងការដ្ឋាននគរបាលខេត្តបន្ទាយមានជ័យ បានចុះបង្រ្កាបទីតាំងចំនួន ២ ដែលលួចលាក់ប្រព្រឹត្តបទល្មើសតាមប្រព័ន្ធអនឡាញ ក្រោមការគ្រប់គ្រងរបស់ក្រុមឧក្រិដ្ឋជនជនជាតិថៃ ប្រមាណ ៧នាក់ នៅភូមិសាស្រ្តក្រុងប៉ោយប៉ែត ខេត្តបន្ទាយមានជ័យ បន្ទាប់ពីបានស៊ើបអង្កេតស្រាវជ្រាវ និងឃ្លាំមើលសកម្មភាពសង្ស័យនៅទីតាំងខាងលើមួយរយៈកន្លងមក។ ការឈានទៅបង្រ្កាបទីតាំងខាងលើនេះ ធ្វើឡើងដោយទទួលបានគោលការណ៍ណែនាំដ៏ខ្ពង់ខ្ពស់ពីឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងការចង្អុលដឹកនាំដោយផ្ទាល់ពី នាយឧត្តមសេនីយ៍ ស ថេត អគ្គស្នងការនគរបាលជាតិ។ ក្នុងប្រតិបត្តិការឆ្មក់ចូលទីតាំងខាងលើសមត្ថកិច្ចបានរកឃើញជនជាតិថៃ សរុបចំនួន៦៣នាក់ (ស្រី៣០នាក់) ក្នុងនោះមានកុមារចំនួន២នាក់ និងបានរកឃើញសម្ភារៈវត្ថុតាងដូចជា កុំព្យូទ័រចំនួន៣៣គ្រឿង និងទូរស័ព្ទដៃចំនួន៦៥គ្រឿង សម្រាប់ធ្វើសកម្មភាពបទល្មើសតាមប្រព័ន្ធអនឡាញខុសច្បាប់ Read more

ក្នុងឱកាសចូលរួមអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ ដែលនឹងឈានចូលមកដល់នាពេលខាងមុខ នាព្រឹកថ្ងៃទី២៥ ខែមីនា ឆ្នាំ ២០២៥ ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានអញ្ជើញចុះសាកសួរសុខទុក្ខកងកម្លាំងប្រដាប់អាវុធ ស្ថិតនៅក្នុងសាស្រ្តយោធភូមិភាគពិសេស ដែលបានប្រារព្ធធ្វើនៅទីបញ្ជាកងការពារព្រំដែនលេខ៦០១ យោធភូមិភាគពិសេស។ ឯកឧត្តម នាយឧត្តមសេនីយ៍ ទៀ សីហា បានពាំនាំនូវការផ្ដាំផ្ញើសាកសួរសុខទុក្ខពីសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ផ្ញើជូននាយទាហាន នាយទាហានរង និងពលទាហានទាំងអស់ ដែលសម្តេចធិបតី និង លោកជំទាវ តែងតែយកចិត្តទុកដាក់ចំពោះកងទ័ព និងគ្រួសារកងទ័ពដែលកំពុងឈរជើងបំពេញភារកិច្ចការពារអធិបតេយ្យ បូរណភាពទឹកដី និងសន្តិសុខជូនប្រជាពលរដ្ឋនៅទិសជួរមុខនៃមាតុភូមិ។ ឯកឧត្តម ឧបនាយករដ្ឋមន្រ្តី រដ្ឋមន្ត្រីក្រសួងការពារជាតិ បានបញ្ជាក់ថា៖ សន្តិភាពដែលរកបានដោយលំបាកត្រូវរួមគ្នាការពារឱ្យបានគង់វង្ស។ Read more

(ប្រទេសឡាវ)៖ នៅព្រឹកថ្ងៃទី២៥ ខែមីនា ឆ្នាំ២០២៥ នេះ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានគណៈប្រតិភូជាន់ខ្ពស់ នៃព្រះរាជាណាចក្រកម្ពុជា បានអញ្ជើញធ្វើជាសហប្រធាន ដឹកនាំកិច្ចប្រជុំស្តីពីលទ្ធផលកិច្ចសហប្រតិបត្តិការឆ្នាំ២០២៤ និងពិធីចុះហត្ថលេខាលើកំណត់ហេតុកិច្ចសហប្រតិបត្តិការឆ្នាំ២០២៥ រវាងក្រសួងមហាផ្ទៃនៃព្រះរាជាណាចក្រកម្ពុជា និងក្រសួងសន្តិសុខសាធារណៈ នៃសាធារណរដ្ឋប្រជាធិបតេយ្យប្រជាមានិតឡាវ នៅរដ្ឋធានីវៀងចន្ទន៍។

(ភ្នំពេញ)៖ បុរស​ជនជាតិ​កូរ៉េ​ម្នាក់ បើក​បរឡាន១ គ្រឿង ជ្រុល​បុក​ម៉ូតូ​ពីក្រោយ រួច​រេ​ចង្កូត​ទៅ​បុក​របាំង​ថ្ម​ចែក​ទ្រូង​ផ្លូវ បណ្ដាល​ឱ្យក្រឡាប់​កៀប​ជាប់​មនុស្ស ២នាក់ ក្នុង​ឡាន​រង​របួស​ធ្ងន់​ បញ្ជូន​ទៅកាន់​មន្ទីរពេទ្យ​។ ហេតុការណ៍​នេះ​ បាន​កើតឡើង​នៅវេលា​ម៉ោង១៤:១០នាទី រនាសៀលថ្ងៃ​ទី២៤ ខែ​មីនា ឆ្នាំ២០២៥ ស្ថិត​តាម​បណ្ដោយ​ផ្លូវជាតិ​លេខ៥ ក្នុង​ភូមិ១ សង្កាត់​គីឡូម៉ែត្រ​លេខ៩ ខណ្ឌ​ឫស្សីកែវ រាជធានី​ភ្នំពេញ។ តាម​សាក្សីឱ្យដឹង​ថា មុនកើតហេតុ គេ​ឃើញ​បុរស​ជនជាតិ​កូរ៉េ​ម្នាក់ រួម​នឹង​ស្ត្រី​ជនជាតិ​កូរ៉េ​ម្នាក់ បើក​ឡាន​ ១គ្រឿង ម៉ាក Hyundai Santafe ពណ៌​ទឹកប្រាក់ ពាក់​ស្លាក​លេខ ភ្នំពេញ 2BP-1604 ទិសដៅ​ពី​ជើង​ទៅ​ត្បូង លុះមក​ដល់​ចំណុច​កើតហេតុស្រាប់តែ​រេ​ចង្កូត​ទៅ​ឆ្វេង​ដៃ បណ្ដាល​ឱ្យបុក​ក្បាល​នាគ​ពុះ​ចែក​ទ្រូងផ្លូវ ក្រឡាប់​បះជើងឡើងលើ។ ចំណែក​ឡានបាន​សង្កត់​ទៅ​លើ​ម៉ូតូ ១គ្រឿង ពាក់​ស្លាក​លេខ Read more