(ខេត្តសៀមរាប)៖ នាថ្ងៃទី៣ ខែវិច្ឆិកា ឆ្នាំ២០២៥ លោកឧត្តមសេនីយ៍ត្រី សៀ ទីន មេបញ្ជាការ កងរាជអាវុធហត្ថខេត្តសៀមរាប បានដឹកនាំក្រុមការងារ អញ្ជើញចុះសួរសុខទុក្ខអ្នកគ្រូ និងប្អូនៗ ក្មួយៗ សិស្សានុសិស្ស នៃសាលាមតេយ្យសហគមន៍កំពង់ភ្លុក ស្ថិតក្នុងភូមិដីក្រហម ឃុំកំពង់ភ្លុក ស្រុកប្រាសាទបាគង ខេត្តសៀមរាប។
ក្នុងឱកាសនោះ លោកឧត្ដមសេនីយ៍ត្រី មេបញ្ជាការ បាននាំយកនូវអំណោយដ៏ថ្លៃថ្លារបស់សប្បុរសជនលោក ហូ សិទ្ធីវ័ន្ត មានជាគ្រឿងឧបភោគបរិភោគ សម្ភារៈសិក្សា និងថវិកាមួយចំនួន ជូនដល់អ្នកគ្រូ និងប្អូនៗ ក្មួយៗ សិស្សានុសិស្សផងដែរ។
