(ភ្នំពេញ)៖ ដោយអនុវត្តតាមបទបញ្ជារបស់ ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នៅថ្ងៃទី២៨ ខែមិថុនា ឆ្នាំ២០២៦ កម្លាំងការិយាល័យនគរបាលព្រហ្មទណ្ឌកម្រិតស្រាល ដឹកនាំដោយលោកឧត្តមសេនីយ៍ត្រី ប៊ុន សត្យា ស្នងការរង ទទួលផែនការងារនគរបាលព្រហ្មទណ្ឌ លោកឧត្តមសេនីយ៍ទោ លី ប៊ុនអេង ស្នងការរង ទទួលការិយាល័យនគរបាលព្រហ្មទណ្ឌកម្រិតស្រាល និងលោកវរសេនីយ៍ឯក ម៉ម សាវន នាយការិយាល័យនគរបាលព្រហ្មទណ្ឌកម្រិតស្រាល បានធ្វើការស្រាវជ្រាវឃាត់ខ្លួនក្មេងទំនើង០៦នាក់ ពាក់ព័ន្ធករណីហិ ..;ង្សាដោយចេតនាដោយមានស្ថានទម្ងន់ទោស នៅចំណុចមុខសាលារៀនចំរើនផល ភូមិចំរើនផល សង្កាត់បឹងទំពុនទី១ ខណ្ឌមានជ័យ។
ក្មេងទំនើង០៦នាក់រួមមាន៖
១-ឈ្មោះ ស្រឿ ម៉េងសាំង ហៅ អាសាំង ភេទប្រុស អាយុ ១៧ឆ្នាំ
២-ឈ្មោះ ពេជ្យ រស្មី ហៅ អារស្មី ភេទប្រុស អាយុ ១៦ឆ្នាំ
៣-ឈ្មោះ ឌីន វិសាល ហៅ អាសាលភេទប្រុស អាយុ ១៧ឆ្នាំ
៤-ឈ្មោះ នូ ភារាជ ហៅ អារាជ ភេទប្រុស អាយុ ១៦ ឆ្នាំ
៥-ឈ្មោះ ហៀត ហុកឆាយ ហៅ អាឆៃ ភេទ
ប្រុស អាយុ ១៦ឆ្នាំ
៦-ឈ្មោះ កែវ ប៉ុនលី ហៅ អាយួន ភេទប្រុស អាយុ ១៦ឆ្នាំ
បច្ចុប្បន្នជនសង្ស័យ (ក្មេងទំនើង) ត្រូវបានកម្លាំងជំនាញព្រហ្មទណ្ឌ កសាងសំណុំរឿងចាត់ការតាមនីតិវិធី។ ចំណែកបក្ខពួកនៅសល់ សមត្ថកិច្ចកំពុងស្រាវជ្រាវចាប់ខ្លួន៕
