(ខេត្តកំពង់ស្ពឺ)៖ ថ្ងៃចន្ទ ទី១៧ ខែសីហា ឆ្នាំ២០២៦ ជនសង្ស័យ២នាក់ជាមុខសញ្ញាចោរប្លន់និងទេីបចេញពីពន្ធនាគារ ត្រូវបានកំលាំងនគរបាលការិយាល័យព្រហ្មទណ្ឌខេត្ដនិងនគរបាលស្រុកគងពិសី សង្ស័យដេញឃាត់បានដោយបានការសហការពីកំលាំងនគរបាលអធិការដ្ឋានស្រុកសំរោងទង នៅចំណុចភូមិត្រពាំងត្រស់ ឃុំសំរោងទង ខេត្ដកំពង់ស្ពឺ។
ដោយបានការបញ្ជាដឹកនាំដ៏ខ្ពង់ខ្ពស់ពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ និងបានការណែនាំពីលោកឧត្ដមសេនីយ៍ត្រី សម សាក់ ស្នងការរង ផែនការងារព្រហ្មទណ្ឌ និងការដឹកនាំផ្ទាល់ពីលោកឧត្ដមសេនីយ៍ត្រី រស់ រដ្ឋា ស្នងការរង ជំនួយការដឹកនាំការិយាល័យព្រហ្មទណ្ឌកម្រិតស្រាល បានឃាត់ជនសង្ស័យ២នាក់៖
(១)-ឈ្មោះ រិទ្ធ រាជ ហៅអាម៉ៅ ភេទប្រុស អាយុ ៥៣ឆ្នាំ មុខរបរ មិនពិតប្រាកដ ស្នាក់នៅបន្ទប់ជួលម្តុំទួលគោក រាជធានីភ្នំពេញ -ធ្លាប់ជាប់ពន្ធនាគារខេត្តកណ្តាល ករណីលួចម៉ូតូ(ឆ្នាំ២០២៥)។
(២)-ឈ្មោះ រស់ ចាន់រ៉ន ហៅរ័ត្ន ភេទប្រុស អាយុ ៣៧ឆ្នាំ មុខរបរ មិនពិតប្រាកដ ស្នាក់នៅបន្ទប់ជួលម្តុំទួលគោក រាជធានីភ្នំពេញ -ធ្លាប់ជាប់ពន្ធនាគារខេត្តកណ្តាលរយៈពេល ៣ឆ្នាំ ។
បច្ចុប្បន្ន សមត្ថកិច្ចបានបញ្ជូនជនសង្ស័យរួមជាមួយវត្ថុតាងមកកាន់ការិយាល័យព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្ដដេីម្បីបន្ដនីតិវិធី៕
